我係一個速遞員，每日面對最多嘅就係時間、人物同地點。如果只需要有時間、人物、地點，就可以成立一個故事嘅話，每日都會有幾十個故事係喺我身邊發生。直到果次，故事發生咗喺我身上：
果日係情人節，我由花店送出一扎無寄件人嘅花到加連威老道14號。不過，收件人唔係到。故事好明顯，應該係一個追求者送比佢女神，完全唔知女神嘅行程；至於女神結咗婚未、有無小朋友、有無男朋友，就可自己編織一吓。我送到去，佢同事幫佢簽收完我就離開。直至過咗幾個鐘後，我收到一個電話，係收花個女仔打嚟：
“你好，唔好意思，我想打嚟問問，扎花係邊個送㗎？”
“哦，係我送㗎。有咩事咩？”
“多謝您!”
(音樂起)